កម្លាំងប៉ុស្តិ៍រដ្ឋបាលអូរបែកក្អមឃាត់ខ្លួនជនសង្ស័យម្នាក់ករណីបើកលេងល្បែងស៊ីសងខុសច្បាប់
25-April-2018 | ដោយ ពលមនសិការ
ភ្នំពេញ ៖ កាលពីថ្ងៃទី២៤ ខែមេសា ឆ្នាំ២០១៨ វេលាម៉ោង១៥និង១០នាទី កម្លាំងប៉ុស្តិ៍រដ្ឋបាលអូរបែកក្អមឃាត់ខ្លួនជនសង្ស័យម្នាក់ករណីបើកលេងល្បែងស៊ីសងខុសច្បាប់ (ទទួលកត់ឆ្នោតវៀតណាម) នៅចំណុចដីវាល ផ្លូវលំ ភូមិស្លែងរលើង សង្កាត់អូរបែកក្អម ខណ្ឌសែនសុខ។
លោកវរសេនីយ៍ឯក ហួរ ម៉េងវ៉ាង អធិការខណ្ឌសែនសុខបានឲ្យដឹងថាជនសង្ស័យឈ្មោះ កែវ សារ៉េត ភេទស្រី អាយុ៤៣ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិស្លែងរលើង សង្កាត់អូរបែកក្អម ខណ្ឌសែនសុខ។
សម្ភារៈដកហូតៈ ទូរស័ព្ទដៃចំនួនមួយគ្រឿង ម៉ាកអាយហ្វូនស៊ីចផ្លឹស, ឧបករណ៍គិតលេខចំនួនមួយគ្រឿង, ប៉ិចចំនួនមួយដើម, លុយខ្មែរចំនួន១៣៥.០០០រៀល។
លោកអធិការបន្តថាមុនពេលចាប់ខ្លួនជនសង្ស័យខាងលើ អធិការដ្ឋាននគរបាលខណ្ឌសែនសុខ បានទទួលព័ត៌មានពីប្រជាពលរដ្ឋ ថានៅចំណុចខាងលើ មានការទទួលបើកកត់ និងចាក់ឆ្នោតវៀតណាម ក្រោយពីទទួលព័ត៌មាន កម្លាំងជំនាញរបស់អធិការដ្ឋាននគរបាលខណ្ឌសែនសុខ បានចុះដល់ចំណុចកើតហេតុខាងលើ ឃាត់ខ្លួនជនសង្ស័យរួមទាំងវត្ថុតាងយកមកធ្វើការសាកសួរនៅអធិការដ្ឋានននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ1381
- ម្សិលមិញ10851
- សប្តាហ៍នេះ67901
- ខែនេះ183051
- ឆ្នាំនេះ183051
- សរុប20625507